新屋入伙！3 點簡單預防白蟻你要知！

美國國家有害生物管理協會（NPMA）就有以下 3 個 Tips，幫你屋企遠離白蟻威脅！

一、保持環境乾燥令白蟻無啖好食

白蟻嘅生存環境要求好基本，有水同濕嘅木材就得。所以，想冇白蟻，就要減少屋企入面嘅水分同濕氣。例如維修壞咗嘅水龍頭同水管，同埋喺天氣潮濕嘅時候開抽濕機，以免屋企嘅木櫃受潮。更重要嘅係，盡量唔好喺收屋收藏大量紙皮同紙張，因為佢地都係白蟻最鐘意嘅食糧！

二，裝修用抗白蟻、抗蟲蛀嘅木材

裝修嘅木材，可以選用抗蟻性較高，而又美觀嘅木材，例如重蟻木、彈性鐵線子、熱美樟、鮑迪豆、非常緬茄、木莢豆、紫芯蘇才、茄木、安吉利木、坤甸鐵樟、龍腦香呢啲木材。詳情可以問吓裝修師傅嘅意見！

三，白蟻繁殖嘅季節盡量減少開窗

春夏之際，尤其喺新界區，每到黃昏，或者就快落雨嘅時候，成群嘅飛蟻就會飛去唔同嘅地方繁殖。所以，喺呢啲時間，切忌開窗。如果冇人喺屋企，就最好熄燈關窗，因為白蟻有趨光習性，如果你家中燈火通明，而又中門大開，會變相吸引佢地進駐！（詳情可見︰http://hk.on.cc/hk/bkn/cnt/news/20160601/bkn-20160601073048600-0601_00822_001.html）

引用資料

http://hk.on.cc/hk/bkn/cnt/news/20160601/bkn-20160601073048600-0601_00822_001.html