驅蟲秘方多籮籮 係唔係信口開河
屋企有木蝨、床蝨,認真頭痕。有唔少論壇,甚至報紙都提供一啲滅蝨古方,但呢啲文章永世都唔湯唔水,唔講清楚驅蝨原理。咁究竟「沙薑粉」、「艾條」可以驅蟲,係有科學根據支持,定只係以訛傳訛呢?
以下,滅蟲博士就同大家分析一下︰
落沙薑粉無乜用 仲衰過搽白花油
沙薑除咗含有一啲有白花油常見嘅驅蟲成分,例如冰片、樟腦、桉樹腦及乙醇,亦含有低濃度,絕大部分殺蟲劑都有嘅己烷。
但係,沙薑嘅己烷濃度同殺蟲劑根本無法相提並論,沙薑就喺網上各大論壇俾人瘋狂吹奏,可能因為己烷只係有效嘅滅幼蟲劑(larvicides),雖然實驗證明「沙薑精油」可以殺滅蟲卵,但對於成蟲嘅效果就聊勝於無,只可以暫時減弱佢地嘅活動能力,同造成非致命性嘅癱瘓[1]。
沙薑「粉」唔等於沙薑「精油」,滅蟲成分十不存一。己烷沸點只不過得嗰68度(呢個亦都係滅蟲噴霧一定要放係陰涼地方嘅原因),喺太陽長時間曝曬同研磨之下,早就蒸發得九九十十。滅蟲效果自然唔好得去邊,比「白花油」、「蚊怕水」仲要差。正如香港城市大學講師鄭成光所講,床蝨嘅中樞神經已經進化到免受一般殺蟲藥侵襲,就連一般殺蟲水同「毒氣彈」都無可奈何[2],試問沙薑粉又點能夠用消滅佢哋呢?
燒艾驅蟲有風險 可引發不育癌症
燒艾條都係坊間一個常見嘅滅蟲方法,因為艾煙都有白花油中常見嘅桉油精、樟腦等成分。而唔少人貪佢夠無孔不入,而且「純天然」、「無毒」、「無害」,氣味仲好氛芳㖭!
但係,根據近年最新的學術研究發現,艾煙亦會對健康構成風險。含有致癌物質︰單環芳香烴,稠環芳香烴 [3]。
當中嘅鄰苯二甲酸酯,即係之前鬧到滿城風雨嘅塑化劑,可能導致男性精子活性下降,甚至令女性患上乳腺癌。
上面提到嘅物質,共佔艾條成分百分之十,實在不可不察。
民間偏方似有效 卻是床蝨習性致
「如果係咁,點解網上仲有咁多人拍哂心口,話沙薑粉、艾條掂過碌蔗嘅?」原因十分簡單,因為好多人以為床蝨冇咗蹤影,就一定係佢地嘅嘅功勞。但咁只不過係床蝨由「幼蟲期」變為「成蟲期」嘅習性轉變所致。幼蟲期時,木蝨必須幾日吸一次血,先可以褪殼成長;但成蟲期時,佢地嘅生命力仲強過「小強」,吸一次血,最長可以一年唔食嘢。當你以為佢地已經全軍覆沒,暗自歡喜嘅時候,實情係佢地已經以逸待勞,準備繼續繁殖。假以時日,到時破「床」而出嘅就唔只係床蝨三、四隻,而會係成群結隊嘅木蝨軍團。
一句到尾
根治床蚤要趁早,勿聽網友亂教路。
想購買真正有效嘅滅蝨產品?可以睇吓︰http://debugx100.com
引用資料
[1] Choochote, W., Kanjanapothi, D., Panthong, A., Taesotikul, T., Jitpakdi, A., Chaithong, U., & Pitasawat, B. (1999). Larvicidal, adulticidal and repellent effects of Kaempferia galanga.
[2] 東方日報︰〈抗藥性惡蝨攻陷香港〉,http://orientaldaily.on.cc/cnt/news/20130807/00176_027.html。
[3] Tawatsin, A., Thavara, U., Chansang, U., Chavalittumrong, P., Boonruad, T., Wongsinkongman, P., … & Mulla, M. S. (2006). Field evaluation of deet, Repel Care®, and three plant-based essential oil repellents against mosquitoes, black flies (Diptera: Simuliidae), and land leeches (Arhynchobdellida: Haemadipsidae) in Thailand. Journal of the American Mosquito Control Association, 22(2), 306-313.
[4] 周次利, 吳煥淦, 竇傳字, & 王佳鶯. (2011). 三年陳蘄艾艾煙化學成分的 GC-MS 分析. 2011 中國鍼灸學會年會論文集 (摘要).
Leave a reply