床蝨無論對家庭同公司都係一個好大嘅困擾。而呢啲吸血昆蟲令人唔能夠安眠。臭蟲係咁叮人,真係煩到暈。喺聯絡專業滅蟲公司之前,相信唔少人都會試吓自己 DIY ,用一啲坊間成日講嘅補救措施。但係邊一啲方法真係有助控制蟲害呢?你又可以做啲乜嚟阻止佢哋散播呢?以下,就等我哋一齊搵出答案!
一,滅蝨靠「超聲波」?
好多 DIY 解決教學都講過用超聲波嚟趕走啲蟲。一般人都會覺得超聲波嘅高頻係可以令床蝨覺得唔舒服,從而迫走佢哋。
無效!
超聲波設備對床上嘅臭蟲無任何影響。肯塔基大學昆蟲學家 Michael F.Potter 就話過,超聲波設備從未被證明係有效嘅滅蟲工具。如果有什麼事情,而因為呢啲器材會放出少量嘅熱量,反而會為床蝨提供咗繁殖嘅溫暖環境(Mann,D)。
二,滅蝨靠「發粉」?
發粉(baking soda)亦係另一個受歡迎嘅滅蝨選擇。但發粉真係可以殺滅臭蟲咩?有人話係床蝨附近(例如係床墊或者床周圍)撒上一啲發粉,重複幾日,梳打粉就可以吸收床蝨外殼蠟質層上嘅體液,並令佢脫水。有啲人甚至認為梳打粉嘅小顆粒可以割傷床蝨,令佢哋內部出血。
無效!
完全無任何科學證據表明梳打粉可以預防或殺滅臭蟲。
三,滅蝨靠「臭丸」?
唔少人都推薦臭丸係一種幾好嘅 DIY 滅蟲方式,因為佢含有嘅化學物質有相當刺鼻嘅氣味,可以驅趕驅趕衣蛾。
無效!
有研究就測試咗樟腦丸殺滅床蝨嘅夜果。新澤西州羅格斯大學嘅王魯蘭同佢嘅研究小組發現,7天之後,臭丸都仍然唔能夠消除床蝨。雖然成蟲床蝨有44 – 60% 死亡,但床蝨蛋同床蝨幼蟲就依然存活(Milius S)。
四,滅蝨靠「洗床鋪」!
如果張床都有床蝨,都咪話唔頭痕!所以,洗滌床上用品係一個有效嘅 DIY 方法。首先將床鋪放入一個黑色垃圾膠袋(免得轉移期間,床蝨走咗去屋企其他地方)入面,再放入洗衣機。用至少 60℃ 嘅熱水洗 90 分鐘。
有效!
勤啲清洗床上用品係有效嘅方法。最好就用熱水洗,因為床蝨怕熱。呢個亦都係高溫蒸氣滅蝨有效嘅原因之一。但係,清洗床上用品都只能夠減少床蝨嘅數目,但唔會完全消除到佢哋,要再配合其他有效嘅滅蝨方法。
引用資料
[1] http://www.rentokil.com/blog/myth-busting-diy-bed-bug-treatment/
Leave a reply