Want create site? Find Free WordPress Themes and plugins.
防治白蟻嘅第一步,就係睇吓屋企有無蟲蛀爛咗嘅地方。因為白蟻侵襲,就會蛀爛哂屋企啲嘢。但係,往往當你見到嘅時候,已經太遲。白蟻一旦開始築巢,損害就會變得越嚟越嚴重,之後滅蟲同維修成本就更高。然而,絕大多數屋主都冇及早注意到白蟻嘅禍害。下文就圖文並茂咁介紹白蟻橫行之前嘅種種跡象,等你可以及早預防。
一,白蟻泥管
白蟻侵染的最常見的跡象之一就係泥管(mud tube),泥管就好似道路一樣,會喺白蟻巢附近搵到。呢啲鉛筆咁粗嘅白蟻隧道,甚至可以喺石頭、混凝土地基,以及木結構上面搵到。有三種主要類型的白蟻泥管︰
1. 工作型(working tube)︰喺泥土同木材之間嘅通道。
2. 探索型(exploratory tube)︰喺土壤中延伸出來。
3. 返回型(drop tube)︰從木頭返去嘅路徑。
如果你發現泥管,唔需要驚。入面會有一啲污糟嘢,但只不過係木材同泥土組合而成。你可以試吓中斷泥管一部分。如果損壞喺幾日內被修復,就可以知道白蟻依然活躍。長嘅白蟻管可以延伸到 60 英尺以上,足以將兩層樓連接起嚟。
二, 牆身嘅細窿
白蟻會蛀食木材及牆紙嘅纖維。隨著時間推移,牆上可能會開始出現針孔或裂縫。如果你見到上述現象,而又冇辦法解釋嘅,就需要進一步檢查,因為呢啲情況通常就係白蟻侵襲的徵兆。你可以敲吓佢,聽吓有冇空心嘅聲音。如果有,應該盡快打畀專家。尤其是如果被蛀牆體是主力牆(牆壁負責支撐樓面或屋頂)。
三,地板及地腳線
白蟻嘅痕跡亦都可以喺地板搵到。白蟻會損壞層壓地板。佢地會食層壓板嘅背面,就連硬木地板都唔會放過。如果地板嘅某啲區域下陷同起泡,而你行過地板時,又會聽到「吱吱」聲,好可能就係白蟻蛀食地板嘅結果。因為地板損壞,木板就會同木釘磨擦,吱吱作響。地腳線亦都可能唔穩,甚至甩甩離離。
四,丟棄的翅膀
春天,為大地帶嚟雨水。濕潤嘅泥土,亦為白蟻造就有利嘅活動條件。 有翼嘅雄性白蟻會同冇翼嘅雌性白蟻結伴,開拓新嘅領土。而喺佢地嘅生殖週期過後,男性白蟻嘅翅膀就會脫落。所以,如果你喺屋企掃地,不妨留意一下有冇白蟻嘅翼。呢啲翼同一般嘅昆蟲翼唔同,非常透明,睇落好似一塊又長又大嘅魚鱗咁。
Facebook 留言
Did you find apk for android? You can find new Free Android Games and apps.
Leave a reply